Ang Pagharap sa Silangan kapag Nananalangin (Isa sa wirdong aral ng Ang Dating Daan)

Isa sa mga wirdong aral ng mga nagpapakilalang ANG DATING DAAN ay ang pagharap nila sa silangan o east habang nananalangin sa kanilang pagkakatiponn.


Ano ba ang paliwanag nila ukol sa wirdong gawain nilang ito?

Ayon sa isang blog ni Ely Sabactani isang ADD Defender, ganito ang kanilang paliwanag sa kanilang wirdong aral.


" BAKIT HUMAHARAP SA "EAST" ANG MGA KAANIB SA IGLESIA NG DIOS SA TUWING NAGKAKATIPON SA PANANALANGIN"

Marami ang nagtatanung kung Bakit humarap sa "SILANGAN" kung mananalangin ang Mga Kaanib sa Iglesia ng Dios sa Panahon ng pagkakatipun Ito ba ay Biblical...Totoo ba na sila ay Sumasamba sa Araw kaya humaharap sila sa "EAST" o "SILANGAN".

Ito ay mga tanung na ating sasagutin.Una Hindi Sumasamba ang mga Kaanib sa Iglesia ng Dios sa Araw "Sun" kundi ang sinasamba namin ay ang Dios Gumawa ng Langit at Lupa at ng lahat ng bagay na sa kanya tayo ay nabubuhay.(Acts 17:23,Neh.9:6)


Pangalawa ang pagharap ng mga Kaanib sa Iglesia ng Dios sa "EAST" ay bahagi lamang ng Kaayusan na sinusunod sa loob ng Iglesia sa tuwing sila ay nagkakatipun.


Ayon sa baluktot na paliwanan ng ADD kaya pala humaharap sila sa silangan habang nanalangin ay BAHAGI DAW ITO NG KAAYUSAN.

Si Haring Solomon noon ay nagpatayo ng bahay para sa Panginoon. At ang kaluwalhatian ng Panginoon ay nananahan roon. Kaya may utos siya sa bansang Israel na..

2Chronica 6:34 Kung ang iyong bayan ay lumabas sa pakikipagbaka laban sa kanilang mga kaaway, saan mo man sila suguin, at manalangin sa iyo sa dako ng bayang ito na iyong pinili, at sa dako ng bahay na aking itinayo na ukol sa iyong pangalan:

At ang mga Judio sa ibat-ibang mga dako ng mundo, kung sila ay sumasamba at nananalangin ay humaharap pa rin sila sa Jerusalem. Kaya tuwing sila ay sasamba o mananalangin, inaalam muna nila ang direction kung nasaan ang Jerusalem.

Ang ganitong pagharap ay applikable pa ba sa panahong kristiyano? Ang sabi ni Cristo..

Joh 4:20 Nagsisamba ang aming mga magulang sa bundok na ito; at sinasabi ninyo, na sa Jerusalem ay siyang dakong kinakailangang pagsambahan ng mga tao.
Joh 4:21 Sa kaniya'y sinabi ni Jesus, Babae, paniwalaan mo ako, na dumarating ang oras, na kahit sa bundok na ito, ni sa Jerusalem, ay hindi ninyo sasambahin ang Ama.
Joh 4:22 Sinasamba ninyo ang hindi ninyo nalalaman: sinasamba namin ang nalalaman namin; sapagka't ang kaligtasan ay nanggagaling sa mga Judio.
Joh 4:23 Datapuwa't dumarating ang oras, at ngayon nga, na sasambahin ng mga tunay na mananamba ang Ama sa espiritu at katotohanan: sapagka't hinahanap ng Ama ang mga gayon na maging mananamba sa kaniya.
Joh 4:24 Ang Dios ay Espiritu: at ang mga sa kaniya'y nagsisisamba ay kinakailangang magsisamba sa espiritu at sa katotohanan.

Ang sabi ng babae kay Jesus " at sinasabi ninyo, na sa Jerusalem ay siyang dakong kinakailangang pagsambahan ng mga tao."

Kaya naitanong yan dahil may utos sa mga Judio sa pamamagitan ni Haring Solomon na kung mananalangin o sasamba dapat humarap sa templo na nasa Jerusalem.

Pero pinagbawal na ni Jesus yon.

Pero may sekta na pinagbatayan nila ang ginagawang pagharap ng Israel sa Jerusalem sa templo ng Dios kung saan nananahan ang kaluwalhatian ng Panginoon. Pero iba ang pagharap nila dahil sila ay humaharap sa Silangan ng mundo. Dahil yon daw ang tamang pagharap dahil hindi naman daw pwede sa west dahil puro mali daw ang lahat ng relihiyon roon.

Ang napansin ko kaya humaharap ang mga Judio sa Jerusalem dahil humaharap sila kung saan nananahan ang kaluwalhatian ng Dios. Pero sa pagharap sa silangan ng mundo ay kaninong kaluwalhatian naman sila nahaharap?

At saka may dahilan ang mga Judio kung bakit sila humaharap sa Jerusalem. Dahil nasusulat..

2 HARI 5:15 At siya'y bumalik sa lalake ng Dios, siya at ang buong pulutong niya, at naparoon, at tumayo sa harap niya: at siya'y nagsabi, Narito ngayon, aking talastas na walang Dios sa buong lupa, kundi sa Israel: isinasamo ko ngayon sa iyo na tanggapin mo ang kaloob ng iyong lingkod.

Kaya kung humaharap ang mga israelita, sa Jerusalem dahil nananahahan ang Dios sa Jerusalem.

Pero ngayon hindi na ang Jerusalem ang dakong panalangin at pagsamba kundi sa espiritu na at sa katotohanan.

WALA PO TAYONG MABABASA SA BIBLIYA NA KAILANGANG HUMARAP SA SILANGAN KAPAG NAGKAKATIPON O NANALANGIN.


Sa isang tagpo sa buhay ng ating Panginoong HesuCristo, paano siya nanalangin? Humaharap ba Siya sa silangan o east?



John 17:1 Tagalog: Ang Dating Biblia (1905)
1Ang mga bagay na ito ay sinalita ni Jesus; at sa pagtingala ng kaniyang mga mata sa langit, ay sinabi niya, Ama, dumating na ang oras; luwalhatiin mo ang iyong Anak, upang ikaw ay luwalhatiin ng Anak:


Sa tagpong ito, nanalangin si Jesus pero hindi Siya humarap sa Silangan bagkus tiningala Niya ang kanyang mata sa langit.


Isa sa TALATANG pinagbabatayan ng mga ADD ay ang nakasulat DAW sa (Psalms 113:2-3 TEV) na ganito ang nakasulat "May his Name be PRAISED now and forever ,FROM THE EAST" to the west praised the name of the Lord"


TAMA BA ANG PAGKAKAUNAWA NILA SA TALATANG ITO?


BASAHIN NATIN SA ISANG SALING NG BIBLIYA

MGA AWIT 113:3

3Mula sa pagsikat ng araw hanggang sa paglubog niyaon ang pangalan ng Panginoon ay pupurihin,
1905 Ang Dating Biblia.

MALINAW SA TALATA na hindi tumutukoy sa pagharap sa silangan ang paraan ng pagpupuri sa Panginoon. MALING-MALI ANG BATAYAN NG KANILANG WIRDONG ARAL SA BIBLIYA. 

Hindi biblical ang pagharap sa silangan ng buong kapatiran ng ADD saan mang dako ng mundo sila naroon kapag sila'y mananalangin. Sa biblia ay mayroong dakong reperensya na hinaharapan ang mga Judio kapag sila'y mananalangin at yan nga ay ang Jerusalem. Sa mga kristiano ay walang utos na humarap sa alin mang partikular na dako kapag mananalangin. Ang ginagawang pagharap ng ADD sa silangan kapag silay mananalangin ay hindi naaayon sa ginagawa ng mga hudyo at di rin naaayon sa ipinag-utos sa mga kristiano.